ചാവേ൪
ജീവിതം ആത്മ ബലിയാക്കിയവ൯



Wednesday, January 10, 2007 10:45 PM

പ്രിന്‍സിപ്പല്‍ .. നിങ്ങളൊരു മനുഷ്യനാണോ??

സൈമണ്‍ ബ്രിട്ടോയെ ഞാന്‍ ഇഷ്ടപ്പെടുന്നത് ഒരു കമ്യൂണിസ്റ്റുകാരനായതുകൊണ്ടല്ല(ഞാനൊ(ഞാനൊരു കമ്യൂണിസ്റ്റ് തല്‍പരനേ അല്ല..) ബ്രിട്ടോയൊ). ജീവിതത്തില്‍ ഒരാള്‍ക്കു സംഭവിക്കാവുന്ന ഏറ്റവും വലിയ തകര്‍ച്ചയുടെ അങ്ങേ അറ്റം വരെ എത്തിയിട്ടും ഇച്ഛാ ശക്തികൊണ്ടു മാത്രം ജീവിച്ചിരിക്കുകയും ഇപ്പോഴും തന്റെ സ്വപ്നങ്ങള്‍ക്കും ജീവിത ലക്ഷ്യങ്ങള്‍ക്കും അല്‍പം പോലും ക്ഷതമേല്‍പിക്കാതെ കാത്തു സൂക്ഷിക്കുന്നതുകൊണ്ടുമാണ്.

ഒരാള്‍ക്ക് ബ്രിട്ടോയെ ഇഷ്ടപ്പെടുകയോ ഇഷ്ടപ്പെടാതിരിക്കുകയോ ആവാം. അത് അവരുടെ നിലപാടുകളേയും സാഹചര്യങ്ങളേയും ആശയങ്ങളെയും ആശ്രയിച്ചിരിക്കും.

എന്നാല്‍ കഴിഞ്ഞ ദിവസം സംഭവിച്ചത് അതൊന്നുമല്ല. ഒരു മനുഷ്യന്‍ തന്റെ സഹജീവിയോടു കാണിക്കേണ്ട ഏറ്റവും കുറഞ്ഞ മര്യാദ പോലും പാലിക്കപ്പെടാതിരിക്കുയാണ് സംഭവിച്ചത്. തേവര എസ്.എച്ച് കോളജില്‍ യൂണിയന്‍ ഉദ്ഘാടനത്തിനെത്തിയ ബ്രിട്ടോയോടൊപ്പം വേദി പങ്കിടില്ലെന്ന് കോളജ് പ്രിന്‍സിപ്പലിന് വാശി. താനത് ഉറക്കെ പ്രഖ്യാപിച്ചു. തീരുമാനം വിവാദമാകുമെന്നറിഞ്ഞ പ്രിന്‍സിപ്പല്‍ തന്നോട് കാര്യം നേരത്തെ അറിയിച്ചില്ല എന്ന മുട്ടുന്യായവും ആരോപിക്കുന്നു.
വാര്‍ത്ത

തന്റെ സ്വന്തം നാട്ടിലെ ഒരു കലാലയം ഉദ്ഘാടനം ചെയ്യാന്‍ അഭിമാന പൂര്‍വം എത്തിയ ബ്രിട്ടോ ഇക്കാര്യം പ്രിന്‍സിപ്പലിനോടു നേരിട്ട് ആവശ്യപ്പെട്ടിട്ടും നിരസിക്കുകയായിരുന്നത്രെ. കാര്യം രാഷ്ട്രീയ വൈരമാണെന്നു വിദ്യാര്‍ഥികള്‍.

ഇത് വെറും രാഷ്ട്രീയ വൈരം എന്നു മാത്രം പറഞ്ഞ് തള്ളിക്കളയാനാവില്ലെന്നാണ് എന്റെ പക്ഷം. മനുഷ്യത്വമില്ലായ്മ. ദ്ദേഹം ഒരിക്കലും ഒരു കലാലയത്തിന്റെ പ്രിന്‍സിപ്പല്‍ സ്ഥാനത്തിരിക്കാന്‍ യോഗ്യനല്ല. ഒരു വിദ്യാര്‍ഥിക്കും മാതൃക കാട്ടിക്കൊടുക്കാന്‍ അയാള്‍ അര്‍ഹനല്ല.

ബ്രിട്ടോ ഒരു എം.എല്‍.എ ആണെന്നു കരുതി ആരും ബഹുമാനിക്കേണ്ടതില്ല. അരയ്ക്ക് കീഴ്പ്പോട്ടു തളര്‍ന്ന് കിടക്കുമ്പോഴും മനസില്‍ നിറയെ ജീവിത ലക്ഷ്യത്തിന്റെ കെടാത്ത അഗ്നി സൂക്ഷിച്ച് ഇപ്പോഴും കലാലയങ്ങളെയും യുവത്വത്തേയും സ്നേഹിക്കുന്ന ഒരു മനുഷ്യ ജീവി എന്ന പരിഗണനയ്ക്ക് അര്‍ഹനാണെന്നു തോന്നുന്നു.

posted by ചാവേര്‍ at 10:45 PM

2 comments





Tuesday, September 05, 2006 8:35 PM

ഒടുവില്‍ ജോസഫിനും അതു സംഭവിച്ചു.

ലൈംഗികാപവാദത്തെ തുടര്‍ന്ന്‌ മന്ത്രിസ്ഥാനം ഉപേക്ഷിക്കേണ്ടി വന്ന കേരളത്തിലെ നാലാമത്തെ മന്ത്രി എന്ന പട്ടം പി.ജെ ജോസഫിന്‌ അണിയേണ്ടി വന്നു. അങ്ങനെ പറയുന്നതിലും ശരി കേരളത്തിലെ മാധ്യമങ്ങള്‍ ഒരു മന്ത്രിയെക്കൂടി രാജി വയ്പിച്ചു.

കേരളത്തിലെ തലമുതിര്‍ന്ന പത്രപ്രവര്‍ത്തകന്‍ കെ.എം റോയി പുതിയ പത്രപ്രവര്‍ത്തന സംസ്കാരത്തെ ചോദ്യം ചെയ്യുന്നതു കണ്ടപ്പോള്‍ നമ്മളുടെ മാധ്യമ പുലികളുടെ സംസ്കാരം എത്രെ താഴെയാണെന്നു ചിന്തിച്ചു പോയി. കച്ചവടക്കണ്ണും നിലനില്‍പിനു വേണ്ടിയുള്ള മല്‍സരവുമാണ്‌ മാധ്യമങ്ങളെ ഈ വൃത്തികേടുകള്‍ ചെയ്യാന്‍ പ്രേരിപ്പിക്കുന്നതെന്ന്‌ ചിന്തിച്ചാല്‍ മനസിലാകും.

ഇന്ന്‌ മന്ത്രിയുടെ രാജിക്കു വേണ്ടി പാടു പെട്ട്‌ പൈങ്കിളി എഴുതിക്കൂട്ടിയ, രാപകലില്ലാതെ ഇന്‍വസ്റ്റിഗേറ്റീവ്‌ പത്രപ്രവര്‍ത്തനം നടത്തിയ എഴുത്തു തൊഴിലാളികള്‍ക്ക്‌ സുഖമായി കിടന്നുറങ്ങാം. പക്ഷെ അല്‍പമെങ്കിലും സത്യമില്ലെങ്കിലും ഇനി ഉണ്ടെങ്കിലും മന്ത്രിക്കു നേരെ ആരോപണം ഉന്നയിച്ച ആ പാവം സ്ത്രീക്ക്‌ ഇന്ന്‌ ഉറങ്ങാനാവുമെന്നു തോന്നുന്നില്ല.

എനിക്ക്‌ സ്ത്രീകളുടെ അടുത്തിരിക്കാന്‍ പേടിയാണെന്ന്‌ ഒരു വനിതാ വേദിയില്‍ സുകുമാര്‍ അഴിക്കോടു പറഞ്ഞത്‌ ഇനി കേരളത്തിലെ കുറെ പുരുഷന്‍മാരെങ്കിലും ഭയക്കുന്ന വസ്തുതയാണ്‌. ബസിലും ട്രെയിനിലും യാത്രചെയ്യുമ്പോള്‍ ഒരു സാധാരണ പുരുഷന്‍ അറിയാതെ പോലും ഒരു സ്ത്രീ ശരീരത്തില്‍ വിരലുകളൊ ശരീരത്തിന്റെ ഏതെങ്കിലും ഭാഗമൊ സ്പര്‍ശിക്കാതിരിക്കാന്‍ ശ്രദ്ധിക്കുന്നവരാണ്‌. ഇനി അറിയാതെ സംഭവിച്ചാലും എല്ലാം ഒരു സോറികൊണ്ട്‌ അനസാനിപ്പിക്കുന്നത്‌ സാധാരണ കാഴ്ചയാണ്‌. മനപ്പൂര്‍വം സ്ത്രീയെഉപദ്രവിക്കുന്നവരെ ഉദ്ദേശിച്ചല്ല ഈ വാക്കുകള്‍.

മന്ത്രിയുടെ വാക്കുകളില്‍ എവിടെയൊക്കെയൊ ചില നിഷ്കളങ്കത മുറ്റി നില്‍ക്കുന്നത്‌ ഓരോത്തവണയും അദ്ദേഹം ചാനലുകളില്‍ പ്രത്യക്ഷപ്പെടുമ്പോള്‍ കാണാമായിരുന്നു.അദ്ദേഹത്തിന്റെ അയല്‍ക്കാരന്‍ പറഞ്ഞ ഒരു വാക്കുകൂടി ഇവിടെ എഴുതാം. പി.ജെ ജോസഫ്‌ മാനസീകാരോഗ്യത്തിന്‌ ചികിത്സ നേടിയിട്ടുള്ളയാളും അല്‍പം മാനസിക പ്രശ്നം ഉള്ളയാളുമാണെന്നാണ്‌. ഇത്‌ ശരിയോ തെറ്റൊ മാധ്യമങ്ങളൊന്നും എഴുതിക്കണ്ടില്ല. പക്ഷെ വെള്ളാപ്പള്ളി ഉള്ളതു പറഞ്ഞു ജോസഫ്‌ അന്ന്‌ ഗുളിക കഴിച്ചിട്ടില്ലായിരുന്നെന്ന്‌.


posted by ചാവേര്‍ at 8:35 PM

6 comments





Friday, August 11, 2006 10:36 PM

കരളലിയിക്കും കാഴ്ച

കടപ്പാട് - മനോരമ, മനോരമ ഓണ്‍ലൈന്‍ലിങ്ക് ഇവിടെ

posted by ചാവേര്‍ at 10:36 PM

2 comments





Tuesday, August 01, 2006 11:21 PM

ചാത്ത൯ പുലയനും പിന്നെ ക്യൂബയും

പതിവിനു വിരുദ്ധമായി ജന്മിവീട്ടില് എല്ലാവരും ഇന്നു സന്തോഷത്തിലാണ്. 47 വ൪ഷങ്ങളായി തന്റെ മാളികയിരിക്കുന്ന നൂറേക്ക൪ പുരയിടത്തിന്റെ വടക്കേ മൂലയ്ക്കുള്ള രണ്ടു സെന്റില് ചാത്ത൯ പുലയനും കുടുംബവും കുടില് കെട്ടി കഴിയുന്നു. അവറ്റകളെ കുടിയഴിപ്പിക്കാ൯ നടത്തിയ ശ്രമങ്ങളെല്ലാം പരാജയപ്പെട്ടിട്ടേ ഉള്ളൂ. പക്ഷെ അവ൯ ആ രണ്ടു സെന്റില് രാജാവായി വാഴുകയല്ലായിരുന്നോ.

എന്നിട്ട് ഇപ്പോ കണ്ടില്ലേ.. തീ൪ന്നില്ലേ എല്ലാം. അവ൯ ചത്തു. ചാത്തന് പുലയ൯ ചത്തു. ആ സന്തോഷമാണ് ഇന്ന് ജന്മിയുടെ വീട്ടില്

ഇതേ അവസ്ഥയാണ് അമേരിക്കയിലും. ക്യൂബയുടെ അധികാരി ഫിഡല് കാസ് ട്രോ അധികാരം ആരോഗ്യകാരണങ്ങളാല് അനുജനു കൈ മാറിയപ്പോള് അമേരിക്കയിലെ തെരുവുകളില് ആഘോഷമായിരുന്നു പോലും. ചാത്ത൯ പുലയനെ കീഴടക്കിയ സന്തോഷം.
കഷ്ടം

posted by ചാവേര്‍ at 11:21 PM

4 comments





Saturday, July 29, 2006 7:54 PM

പാഠം ഒന്ന്‌ - ഞാന്‍ പഠിച്ച കോളജു പൂട്ടട്ടെ.

സ്വാശ്രയ നിയമം നടപ്പാക്കാന്‍ സര്‍ക്കാരിനേക്കാള്‍ അത്യാവശ്യം എസ്‌.എഫ്‌.ഐക്കാണ്‌. നടപ്പാക്കാനാവില്ലെങ്കില്‍ കോളജുകള്‍ പൂട്ടിയിടട്ടെ എന്നാണ്‌ എസ്‌.എഫ്‌.ഐ സംസ്ഥാന സെക്രട്ടറി സ്വരാജ്‌ ഒരു പത്രസമ്മേളനത്തില്‍ പറഞ്ഞത്‌. പഠിച്ച കാലത്ത്‌ നാട്ടില്‍ ഗുണ്ടാ രാഷ്ട്രീയം കളിച്ച്‌ കോളജില്‍ കത്തിക്കുത്തിനും ചങ്ങലയടിക്കും നേതൃത്വം നല്‍കി ജില്ലയിലെ മുഴുവന്‍ ക്യാപസുകളെയും ചുവപ്പിച്ച്‌ സെക്രട്ടറി സ്ഥാനത്തെത്തിയ സഖാവിന്‌ ഇപ്പോള്‍ കടുത്ത സ്വകാര്യ മാനേജ്മെന്റ്‌ വിരോധം. ഇവിടെ മാനേജ്മെന്റുകളുടെ നടപടിയെ ന്യായീകരിക്കുകയല്ല. ഇതു പറയുന്നതാരാണെന്നറിയുമ്പോഴുള്ള വൈരുധ്യം ഓര്‍ത്താല്‍ ചിരിവരും. ചിലപ്പോള്‍ നാണക്കേടും തോന്നും.

സഖാവിന്റെ കോളജ്‌ പഠനം മലപ്പുറം ജില്ലയിലെ ചുങ്കത്തറ മാര്‍ത്തോമ കോളജിലായിരുന്നു. ഇതൊരു മാനേജ്മെന്റ്‌ കോളജാണെന്നും ഓര്‍ക്കണം. പ്രീഡിഗ്രി പഠിച്ച്‌ തോറ്റ സഖാവ്‌ പഠിച്ചു പഠിച്ചു നന്നായി പഠിച്ചു പാസായി. തൊട്ടടുത്ത വര്‍ഷം ബിരുദ പ്രവേശനത്തിനുള്ള പട്ടികയില്‍ സഖാവിന്റെ പേരില്ല. എന്നിട്ടും സഖാവ്‌ കോളജില്‍ പഠിച്ചു. കയറിയത്‌ മാനേജ്മന്റ്‌ സീറ്റിലാണെന്നു മാത്രം.

കോളജില്‍ ഇടതു വിദ്യാര്‍ഥി പ്രസ്ഥാനത്തിനു കഷ്ടകാല കാലം. എങ്ങനെയും സഖാവ്‌ കോളജിലെത്തുന്നത്‌ പാര്‍ട്ടിയുടെ ആവശ്യമായിരുന്നു. ഡിപ്പര്‍ട്ടു മെന്റ്‌ തലവന്‍ ഇടതു നേതാവായതുകൊണ്ട്‌ ഒരു മാനേജ്മെന്റ്‌ സീറ്റ്‌ പാടുപെട്ട്‌ സംഘടിപ്പിച്ച്‌ സഖാവ്‌ ഡിഗ്രിക്കു കയറി. പിന്നെ കലാലയത്തിലെ പുലിയായി. ഇപ്പം കേരളത്തിലും. ഇതൊന്നും തെറ്റല്ല. വേണ്ടതു തന്നെ.

പക്ഷെ സ്വകാര്യ മാനേജുമെന്റുകളെയും മാനേജ്മെന്റ്‌ ക്വാട്ടയേയും തെറി പറയരുതെന്നതു കാണുമ്പം തമാശ തൊന്നുന്നെന്നു മാത്രം

സ്വാശ്രയ നിയമം നടപ്പാകണം. മാനേജ്മെന്റിന്റെ കൊള്ള അറവിന്‌ അവസാനം വരുത്തുകയും വേണം. പക്ഷേ ഇതിനകത്തെവിടെയൊക്കെയൊ ചില വൈരുധ്യങ്ങള്‍. കണ്ടപ്പം പറഞ്ഞന്നേ ഉള്ളൂ.

posted by ചാവേര്‍ at 7:54 PM

3 comments





7:35 PM

കാണാന്‍ പോകുന്ന പൂരംഇടതു

ഇടതു ഭരണം കസറുന്നുണ്ട്‌. കേരളം പൂരം കാണാന്‍ പോകുന്നതേ ഉള്ളൂ. അന്ധമായ ഇടതു വിരോമല്ല ഇതു പറയാന്‍ കാരണം. ഇന്നിപ്പം ഇടതു സഖാക്കള്‍ കയറി വലതു ഭരണകാലത്ത്‌ ജയിലില്‍ കിടന്നവരെ എല്ലാം പിടിച്ചു പുറത്താക്കുന്നു. ഇവര്‍ വീണ്ടും കുറ്റം ചെയ്‌ത്‌ ജയിലിന്റെ വാതില്‍ക്കല്‍ ചെന്ന്‌ ആഭ്യന്തര മന്ത്രിയുടെ പ്രത്യേക അധികാരത്തില്‍ പരോള്‍ വാങ്ങി വീട്ടിലെത്തുന്നു. തലയില്‍ തോര്‍ത്തുമുണ്ടും അരയില്‍ പേനാ പിച്ചാത്തിയും വച്ച്‌ നഗരത്തിലിറങ്ങി വീണ്ടും അക്രമം... പരോള്‍ കാലാവധി കഴിഞ്ഞ്‌ വീണ്ടും ജയിലിന്റെ വാതില്‍ക്കല്‍ വരെ പോയി തിരിച്ചു വരുന്നു. ഇതിങ്ങനെ അഞ്ചു വര്‍ഷവും കേരളത്തില്‍ ജയില്‍ നാടകം തുടരും. ഇതു കണ്ടാണ്‌ കോടതി ഇടപെടല്‍. കോടതിയുടെ ഇത്തരം പരാമര്‍ശങ്ങളുണ്ടായാല്‍ രാജി എന്നാണ്‌ പണ്ടു മുതല്‍ക്കേ ഒരു സങ്കല്‍പം. എന്നാല്‍ നാളെ മുതല്‍ ഞാന്‍ നല്ല കുട്ടിയാകാമെന്നു പറഞ്ഞ്‌ തന്റെ ഭാഗം ന്യായീകരിച്ചു. എന്തിന്‌ നാട്ടിലുള്ള കുട്ടി സഖാക്കള്‍ വരെ ഇപ്പം സ്വയം പുലികളായി പ്രഖ്യാപിച്ച്‌ കാണിച്ചു കൂട്ടുന്ന പേക്കൂത്തുകള്‍ക്ക്‌ വല്ല അതിരുമുണ്ടോ?

posted by ചാവേര്‍ at 7:35 PM

0 comments





Wednesday, July 26, 2006 10:50 PM

ലക്ഷ്യം; അല്ലെങ്കില്‍ മരണം.

ഇവിടെ ഞാനില്ല ആരൊടും കൂട്ടു കൂടാന്‍. അല്ല, സമയമില്ലെന്നതാനു സത്യം. ഇപ്പോള്‍ ഞാന്‍ പോകട്ടെ. നമുക്കു രണാങ്കാണത്തില്‍ കാണാം. നിനക്കെന്നോടൊപ്പം കരുത്തു കാട്ടാനകുമെങ്കില്‍ ഒരു കൈ നോക്കാം അടര്‍കളത്തില്‍.

posted by ചാവേര്‍ at 10:50 PM

4 comments











Previous Posts
പ്രിന്‍സിപ്പല്‍ .. നിങ്ങളൊരു മനുഷ്യനാണോ??
ഒടുവില്‍ ജോസഫിനും അതു സംഭവിച്ചു.
കരളലിയിക്കും കാഴ്ച
ചാത്ത൯ പുലയനും പിന്നെ ക്യൂബയും
പാഠം ഒന്ന്‌ - ഞാന്‍ പഠിച്ച കോളജു പൂട്ടട്ടെ.
കാണാന്‍ പോകുന്ന പൂരംഇടതു
ലക്ഷ്യം; അല്ലെങ്കില്‍ മരണം.

Archives
July 2006
August 2006
September 2006
January 2007

Links to Other Sites
Google
Blogger


Powered by Blogger
blogger template designed by and provided for free by savatoons.com